Dissendents di une antigone famee che e dominave il Friûl, de epoche dal Patriarcjat di Aquilee, partint da un arbul gjenealogjic che al scomençe prin dal XIV secul.
Detalmo Savorgnan di Braçâ al viveve tal Palaç dal Cjiscjel, cuant che Nonino al scomençe a lavorà pe famee tal 1885, (sù par jù).

In chê epoche il fradi di Detalmo, Pieri al jere ocupat cun lis esplorazions in Afriche, lu faseve pal guvier Francês, ma finanziât pe famee Savorgnan. La capital dal Congo le a fondade Pieri, e fin vuê si clame “Brazzaville“.

Detalmo si spose tal 1887, cun Cora Slocomb, une americane di caratar fuart, e une vore intraprindint Je e à creat a Braçâ, Sante Margarite e Feagne une scuele di “Cussignel“ par fa la puntine a man su tun tombul.

Di chest matrimoni e nas tal 1890, Idanna Savorgnan Braçâ, fie uniche “La Contessine”, come che le clamave Nonino.
In chei ultins agns dal XX secul, la “Vile Braçâ“ e jere visitade soredut in istât, par figuris notories in Italie e tal rest de Europe, in tune di chês visitis, Idanna e cognoss un zovin oficial di non Giuseppe Pirzio-Biroli, e si sposin tal 1914.

Tal an 1915, al nas Detalmo Pirzio-Biroli (Detalmino, come lu clamave la me famee), lant indenant cul timp a son rivâts ancje Giacomo e Marina. Detalmino al è stat chel che al è restat vivent a Braçâ.
Tal 1930 si spose cun Fey Von Hassell, fie dal ambassadôr todesc in Italie ta chei timps. Di lôr a son nassûts: Corrado, Roberto e plui tart Vivianne.
Cora Slocomb e jere malade e internade a Rome, là e jè stade par tant timp compagnade dal so omp; par chel che a Braçâ, Idanna e jere chê che e puartave la cjase indenant.

Idanna e cjate in Pine Nonino une buine amie, conseiere e confidente, creantsi un vincul cu la me famee che a strapâs a Detalmino e Fey. Cheste relaziôn cuasi familiar e dure fin tant che la me famee e decît di emigrà viars l’Argjentine tal 1947, un an dopo de muart di Pine.

I fiis di Nonino, che son tornats di visite a Braçâ, no an mai podût cjatâsi cun Detalmo, Fey e i lôr fiis. Par chest che ta l’an 2006, o soi stat il prin dissendent di Nonino, che si è metût di gnûf in contat.

Foti (da su a ju)
1 y 2- Stemmi Savorgnan di Brazzá.
3- Pietro Savorgnan di Brazzá, vistît par il desiert
4- Detalmo Savorgnan de Brazzá ta so mior cjadree.
5- Idanna Savorgnan di Brazzá cun Detalmino.
6- Detalmo Pirzio Biroli, niece del Nonno Detalmo, cui no vevin la fortune di cognosilu, parce che al è muart tal avril dal 2006, poc prin dal no viaç.