viodi "il Palâç" viodi "il cjiscjel" viodi "la gleseute" viodi "il parc" viodi "la cjase di Nonino"
il portâl il proposit prin di rivâ o sin rivâts
i Baschera i Nonino i Pirzio-Biroli la storie e va indenant


Ancje se no ai mai vude rispueste ae letare che o i ai mandât a Roberto Pirzio-Biroli, in ogni mut mi jeri proponût di lâ a cognossi il Cjiscjel, za che dutis lis ricercjis fatis te web lu devin come un puest di interès storic-turistic.
Une setemane prin dal viaç, o vevi cjatât un “Hotel Baschera” a Feagne, distant 5 km. di Brazzà, e just prin di partì o cjati un albergo agricul-turistic, che clamât “La Roncolina”, cjale il câs te stesse direzion di destin a Morùs in via dal Cjiscjel. Cussi che dopo vê cjapàt doi avions, Noemí Salva (la mê femine) e jo o sin rivats a Vignesie, dula che o vevin riservat une machine.

Tante la mê euforie che mi soi smenteât di comprâmi une mape stradâl. L’unic che o vevin, a jerin vecjis fotografiis dal Cjiscjel, e une descrizion leterâl des stradis, otignudis tal www.viamichelin.com, e la sperance che funzionàs la memorie gjenetiche dal gno sanc. Cun chest che o vevin, e cence nancje passà pal gabinet, (tante e jere la sbisie di rivà) o sin montats in machine par fâ 130 km. viers Brazzà. Rivant a Udin si sen piarduts. O jerin tune strade di circonvalazion, e no vin cjatade la vìe che nus diseve il “Michelin”. Lant indenant o ai viodût un cartel che al diseve Tavagnà, cui jo o savevi che al jere il cap-lûc di partignince, o ai zirat e un poc dopo o fermi a un segnâl luminos, dulà che a jerin un grum di segnalazions. Une di lôr a diseve Morùs: 8 km.
.

Une strade bielissime intun dopodimisdi di fin di Istât, che nus puartave di un paisut a di chel altri tal jenfri di puescj vierts, di rivis ca levin su e ju, cuntune vegjetazion esuberant.
Plui indevant une strade a diestre: “Vie dal Cjiscjel”, ce che o vin viodût lant sù, ni plui ni mancul che un puarton, identic a une fotografie che o vevin, e che e jere stade scatât te decjade dal 40. (chê in sù)




Tresinte metros a çampe al è l’ingrès di “La Roncolina”. Nus riceverin Ornella e Luciano parons dal puest. La siore Ornella nus domandà cuâl che al jere il nestri interès par Brazzà vignint di tant lontan come l’Argjentine. I rispuint che gno pari al jere nassût tal Cjiscjel parcechè il bisnono al jere stât un maiordom par tancj ains dal puest, al semeave che cheste siore si foss mutulîde, e nus diis che a Brazzà al jere stât un sôl maiordom:
- ¿Alore tu tu sês il pronevôt di Nonino?
lâ indenant->