| Robis
che nô o savevin di piçui
Mio pari al
è nassût tal Cjiscjel di Brazzà, so nono Giuseppe
Nonino, (Bepo) al è stât il majordom e mestri di cjase
dal Cjiscjel, par 60 agns, Nonino al jere ancje el cocjîr,
e al veve a so caric l’andament gjenerâl de cjase e
dal podê.
Dute la famee, ma particolarmentri mê none Livie ( fìe
di Nonino ), mio pari e il barbe Bruno, a contavin storiis di maravee
di Breçâ, za che lôr insiemit a mio nono Uria
e al bisnono Nonino (che no ju ai cognossûts), a son stats
di dute la famee, chei che e an di plui “vivut Brazzà”
L’antîc Cjiscjel di ete di mieç, il palaç
dal secul XVIII, la glesie di Sant Leonart, Pieri Savorgnan di Brazzà
cu lis sôs spedizions in Afriche, la Contesse, la Contessine,
Detalmo, a son stàdis figuris che mi àn alimentat
siums di aventuris di cuant c`o jeri piçul.
Di dut chest e an vût une storie particolar sucedude a Brazzà
in chei ans, e jere chê che plui seriementri a contavin. E
nol jere robe di pôc.
Detalmo, il fi de Contessine, al jere sposat cun Fey von Hassell,
fie dal ambassadôr dal Tierç Reich in Italie, Ulrico
von Hassell, che tal an 1944 al à formât part dal complot
par copâ Hitler a Berlin, lu puartarin a judizi e al è
stât justiziat di imediât.
La Gestapo e veve une base tal Cjscjel di Brazzà, e si son
puartats Fey e i soi doi frutins a Berlin. Une volte rivâts
là a Fey le menin di un cjamp di concentrament a di chel
altri, e separade dai soi fiis fin che vot mes plui tart e je stade
liberade, ma no à cjatât i fruts, dulà che i
nazis ai vevin dìt e prometût. Finalmentri cualchi
mes plui indenant la mari di Fey ju a cjatât. A jerin in Insbruck.
Robertino il plui piçul dai doi fradis, cuasi no si visave
de so famee, e cussi al è stât cuant che i mostravin
fotografiis di Brazzà, il prin cúal à ricognosût
al è stât Mirko, il cjaval blanc che Nonino ju puartave
a zuiâ. Il finâl di cheste odissee al è che i
fruts a son tornats a cjase.
Ancjemo vuê i visins dal Cjiscjel a ricuardin lis fiestis
che si son fatis a Brazzà, par celebrà che Corradino
e Robertino a jerin tornats sans e salfs.
Come che altris fiis di Nonino a vevin emigrat in Argjentine prin
de vuere, cun la muart di Pine tal 1946, Nonino, Livie e Uria e
decidin di vignì a Buenos Aires cun Bruno e Silvano (gno
pari). No son tornats mai plui a Brazzà. Cui Pirzio-Biroli
si son scrits par un timp, ma planc planc la corispondence si è
lade piardint.
|
Notazions
plui recentis
Plui di vincj
ans fa un amì di gno pari di non Toribio Lanzi al viazave
al Friûl, e une sere al stave cenant tun ambient, cuant che
si i presentâ une persone disînti che za cúal vignive
da l'Argjentine, al voleve savè di une famee di cognon Nonino
o pûr Baschera, che ju steve cirint za da tant timp, e dantiju
un bilietut par che ial ves dat a mio pari. Al jere Roberto Pirzio-Biroli,
il plui piçul dai doi fradis.
In chei moments
a gno pari i risultave dolorôs scrivi par contai che ducj
chei che "Robertino" al veve cognossût, al jere
restat dome "Lui". Cuant che pocs agns dopo Pai al ven
a mancjâ, il destin al à volut che jo o ves metût
vie chel biliet.
Cuant che tal
mes di Lui dal 2006, o ai vût la conferme dal mio viaç
no ai volût piardi la oportunitât di cognossi Roberto
Pirzio-Biroli.
O ai fat une ricercje
in te web, cence podè cjatâ nissun leam cun cheste
persone, ma i ai scrit ae direzion cúal jere ta chel bilietut che
o vevi conservât par tant timp.
continuâ
-> |
